შერჩევა: როგორ ავირჩიოთ ლეპტოპი

ლეპტოპის არჩევა ადვილია, თუ ჯერ გადაწყვეტთ, რისთვის გჭირდებათ. ქვემოთ მოცემულია ძირითადი მახასიათებლები და მინიმალური რეკომენდაციები სხვადასხვა ამოცანისთვის.

პროცესორი

Intel Core i3/i5/i7 და AMD Ryzen 3/5/7 სერიებში რიცხვი მიუთითებს კლასზე: მაღალი რიცხვი, როგორც წესი, მეტ წარმადობას ნიშნავს. მოდელის ბოლოს ასო U ჩვეულებრივ დაბალ ენერგომოხმარებას (თხელი ლეპტოპები), ასო H კი უფრო მაღალ წარმადობას ნიშნავს. Apple MacBook-ებში გამოიყენება Apple-ის საკუთარი M სერიის პროცესორები.

NPU - ხელოვნური ინტელექტის პროცესორი

NPU სპეციალური ბლოკია, რომელიც თავსებად პროგრამებში ხელოვნური ინტელექტის ამოცანებს ამუშავებს, მაგალითად ვიდეოზარის ფონის ეფექტებს. მისი წარმადობა ხშირად TOPS-ით იზომება. NPU-ის TOPS და CPU/GPU-სთან ერთად დათვლილი ჯამური TOPS სხვადასხვა მაჩვენებელია. NPU ჩვეულებრივი მუშაობისთვის აუცილებელი არ არის; შეამოწმეთ თქვენთვის საჭირო პროგრამის მოთხოვნები.

ოპერატიული მეხსიერება (RAM)

8 GB ყოველდღიური გამოყენებისთვის საკმარისია: ბრაუზერი, ოფისი, ვიდეო. 16 GB რეკომენდებულია, თუ ერთდროულად ბევრ პროგრამასთან მუშაობთ ან თამაშობთ. ზოგ ლეპტოპში RAM-ის გაფართოება შეუძლებელია, ამიტომ საჭირო მოცულობა ყიდვისას უნდა აირჩიოთ.

SSD მეხსიერება

SSD HDD-ზე გაცილებით სწრაფია და ლეპტოპს სწრაფად ჩართავს. მინიმუმად 256 GB, კომფორტისთვის კი 512 GB ან მეტი გამოდგება.

ეკრანი

მინიმუმ Full HD (1920×1080) და IPS ან OLED პანელი უკეთეს ფერებსა და ხედვის კუთხეს იძლევა. გეიმინგისთვის 120 Hz და მეტი სიხშირე უფრო გლუვ გამოსახულებას იძლევა.

ვიდეობარათი

ოფისისა და სასწავლო ამოცანებისთვის საკმარისია ჩაშენებული გრაფიკა. თამაშებისა და 3D სამუშაოსთვის საჭიროა დამოუკიდებელი ვიდეობარათი, მაგალითად RTX სერიის მოდელი.

ოპერაციული სისტემა და Windows

ლეპტოპებზე ამჟამად ხშირად FreeDOS არის, ანუ ოპერაციული სისტემა წინასწარ დაყენებული არ არის. თუ ლეპტოპს Windows-ის ლიცენზია არ მოყვება, ან თავად უნდა შეიძინოთ, ან ჩვენთან ჩაწეროთ Windows 11 - 35 ₾ (შეკვეთის ფორმაში მონიშნეთ „Windows 11-ის ჩაწერა“, თანხა დაემატება ჯამს). Apple-ის ყველა MacBook-ს macOS ოპერაციული სისტემა წინასწარ აქვს დაყენებული.

რომელი ლეპტოპი რისთვის

• გეიმინგ ლეპტოპები - დამოუკიდებელი ვიდეობარათით და მაღალი სიხშირის ეკრანით
• საოფისე ლეპტოპები - საოფისე სამუშაოსთვის
• ლეპტოპები სტუდენტისთვის - ლექციებისთვის, პრეზენტაციებისთვის, ონლაინ გაკვეთილებისთვის
• ულტრაბუქები - თხელი და მსუბუქი, ხანგრძლივი ბატარეით

ნახეთ ყველა ლეპტოპი. თუ დახმარება გჭირდებათ, მოგვწერეთ ვოცაფში ან დაგვირეკეთ: 599 000 655.